Наурыз

Бірде Ақтөбеде жаңа гүл дүкені ашылды. Мен ішке кіріп, таң қалдым. Мені әдемі форма киген қыздар қарсы алды, үстелге отырғызып, шай мен кофе ұсынды. Мен таңғалдым және сол сәтте түсіндім: болашақ – осы жерде! Біз үйреніп қалған шалағай қызметтің орнына — нағыз сервис. Бұл маған қатты әсер етті.

Мен әрқашан бизнеспен айналысқым келетінін, еркін болғым келетінін сезетінмін. Бұл ұмтылыс мені үнемі өз ісімді ашуға итермелеп отырды. Алғашқы бизнесім – үй жанындағы жалға алған азық-түлік дүкені болды. Оған бастапқы капитал жинау үшін, мен бармен және даяшы болып жұмыс істедім. Алғашқы қаржымды тендер арқылы таптым. Сонымен қатар, мен бизнесті жүргізу тәсілдері мен маркетингті көп оқып үйрендім, бірақ ол білімді қолданатын орта болмады.

2016 жылы мен көп мөлшердегі ақшамнан айырылдым, сол кезде бұл маған өте ауыр тиді. Бірақ дәл осы дағдарыс мені шынықтырды. Сол кезде түсіндім: бизнес – бұл әрқашан тәуекел. Тәуекел мен төзімділіксіз өсу болмайды. Дәл сол кезден бастап біздің гүл бизнесіміз пайда болды. Біз іске кіріскен кезде, жолымыз өздігінен ашыла бастағандай болды.

Гүл дүкенін ашу идеясы – сұлулық жасау мен эмоция сыйлауға деген тілектен туды. Мен нарықта флористикада заманауи тәсілдің – сервис пен ассортименттің – жетіспейтінін байқадым. Бүгінде «Nazy Flowers» – бұл Қазақстанның батыс өңірінде: Ақтөбе, Орал, Арал, Атырау және Ақтау қалаларында жұмыс істейтін гүл салондары желісі. Бұл филиалдардың кейбірі біздің франшизамыз арқылы сәтті жұмыс істеп жатыр. Біз жай ғана гүл сатып қана қоймай, бүкіл ел танып, таңдайтын бренд қалыптастыра алатынымызды түсіндік.

Біз тез арада қаладағы нөмір бір болдық. Бірақ одан кейін – бәсекелестік. Бұл бәсекелестік бізді үнемі өсуге итермеледі. Бизнес тек идея мен энергия туралы емес, сонымен қатар үдерістер, адамдар мен тәртіп туралы. Желіміз өскен сайын, бизнес жүйесіз және дұрыс басқарусыз «пішінін жоғалта» бастайтынын түсіндік. Біз есеп бағдарламаларын енгізіп, басқарушы команданы күшейтіп, регламенттерді ендірдік – бұл бақылау мен тиімділікті сақтауға көмектесті.

Біз Астанада филиал аштық – бұл эмоциялық шешім болды: «Олар ашылды – бізге де керек!». Мен несие алдым, бірақ күшімді дұрыс есептемедім. Ақша тек жөндеуге және іске қосуға жетті. Астанадағы маркетинг қаражатты түпсіз күбі сияқты жұтып отырды, сондықтан бұл жерде орнығу қиын болды. Ақыры, біз бұл ғимаратты сатуға мәжбүр болдық және бұл идеядан бас тарттық.

Қазір нарық молыққан. Бізде екі жол бар: толқынның қайтуын күту немесе жаңа ниша, өз «көк мұхитымызды» табу. Қазір біз маркетологтармен бірге жаңа концепция жасап жатырмыз. Бизнес – шығармашылық үдеріс: үнемі жаңа нәрсе ойлап табамыз, бірақ оны басқалар да тез қайталай алады. Сондықтан бірінші болып үлгеру үшін, идеяны қуатты әрі көпшілік қолды ету маңызды.

Біздің бизнес – бұл бақыттың сыры. Біз үшін маңыздысы – жай ғана гүл сату емес, эмоция сыйлау. Гүл шоғы – әрқашан сезімдер туралы: бұл сыйлық, көңіл белгісі, өзіңе немесе басқаға қуаныш сыйлау амалы болуы мүмкін.

Біз флористерді букетті құрастырғанда оның иесін елестетуге үйретеміз, өйткені әр букеттің өз сатып алушысы бар. Бұл ерекше энергетика тудырады: флорист махаббат пен эмоция салады, ал клиент мұны сезінеді. Флористтер байқағандай, егер букет шабытсыз жиналса, ол ұзақ уақыт өтпей тұрып қалуы мүмкін. Сондықтан ұжымдағы атмосфераны сақтау, командаға олардың маңызды және қажет іспен айналысып жатқанын еске салу – өте маңызды.

Өзім үшін табысты — бұл тепе-теңдік деп білемін. Табыстылық – бұл тек танымал бизнес құру ғана емес, оны сенің тұрақты қатысуыңсыз да жұмыс істей алатындай етіп құрылымдау, командаға даму мүмкіндігін беру, өзіңнің еркіндігіңді сақтау, сонымен қатар отбасылық және жеке өмірде де өзіңді толыққанды сезіну. Бұл – барлық салада үйлесім мен тұтастыққа қол жеткізу.